مين هي رئيسة كوكب الحبوبات ؟
➤مين هي رئيسة كوكب الحبوبات ؟
إيه هو اصلا كوكب الحبوبات دا، وهو فعلا في كوكب في المجموعة الشمسية أسمه كوكب الحبوبات و ليه رئيسة وكدا يعني ؟! طب دا بعضوية ولا هو للبنات و الحبوبات و الحلويات؟!، كارولين كمال هي رئيسة كوكب الحبوبات ، اللي مسؤلة عن الكوكب بصفة عامة، الكوكب بيضم مجموعة كبيرة "خمسة كبيرة" من الحبوبات و فتيات القوة، المهتمين بنفسهم و شكلهم و حياتهم اللي شايفين ما وراء الطبيعة وليهم تفكير أفقي ورأسي و خوارزمي و شعوزي متشعب من باطن الأرض و كدا.
إيه طيب ميزة كوكب الحبوبات اللا المحدود؟
ميزة كوكب الحبوبات إنك تقدري تعملي فيه اللي انتي عايزاه لإنك تقدري على هذا الكوكب اللزوز صناعة البهجة لنفسك واكل اكبر كمية من غزل البنات بدون النظر الى التفكير السودوي والذي يطلق عليه "الدايت" الكوكب كوكبك لانه مفيهوش رجالة، لون الكوكب روز بينك شعار الكوكب ورئيسة كوكب الحبوبات هو "كوني حبوبة يبنتقلي"، اه بالمناسبة عشان بردو ندي حق للكواكب المجاورة عشان محدش يزعل مننا اكيد، كوكب زمردة البامبي اللي كلنا عارفينه بس هو راحت عليه خلاص و راحة على اسبيس تون اساسا وطلع مكانه كوكب الحبوبات.
إيه هي قوانين كوكب الحبوبات؟
من قوانين الكوكب المعروفة جدا إن الكوكب مفيهوش نكد أو زعل او قمص يعني يا حبوبة لو شايفة نفسك كئيبة و تتوشحي بالسواد و ليكي في الاوفر ثينكنج و الباد ميموريز و كيف بدأ الخلق و انا ايه اللي بيحصلي دا، نعتذر لكي سيدتي العزيزة ملكيش مكان بنا لإن بإختصار كل واحد فيه اللي مكفيه و الكوكب مش مستحمل نكد، الكوكب
في ميزات في كوكب الحبوبات دا؟!
ميزته إنه فرفوش وكله هلس في هلس و بمجرد دخولك يحببتشي الكوكب بقيتي حبوبة بالمناسبة الكوكب ليه قناة فضائية خاصة بينا بتجيب ليل و نهار طريقة عمل البيتزا و الكريب و الكيكة الاسبونجي عشان متروحيش لسي بي سي سفرة و كمان ازاي تطولي ضوافرك في 6 دقايق وبرامج من نوعية ريهام سعيد ورضوى الشربيني عشان تعلمك هاو تو بي استرونج انديبندنت ومان وكدا، اه نسيت معلش الكوكب فيه نقابة مش اي حاجة يعني احنا كوكب كامل، مفيش مايه على الكوكب كله بيبسي و لمون بالنعناع، اللبس الرسمي اللي تحبيه بس لازم يكون روز بينك يا حبوبة، الكوكب كل يوم شعبيته بتكبر اكتر و اكتر وانشاء الله هنغزوا العالم قريب جدا وسنقاتل من اجل .الكوكب وسلامة اراضيه الله ..الوطن.. كوكب الحبوبات
بيست ويشيز يا حبوبات....رئيسة كوكب الحبوبات
Comments
Post a Comment