يعني ايه حبوبة اصلا ؟!

يعني ايه حبوبة، حبوبة يعني البنت اللي فيها كل الصفات الحلوة على بعض، اللي زي ما قولنا ينطبق عليها كل الشروط و الاحكام اللي تمكنها من دخولها كوكب الحبوبات، طيب هتسألي نفسك ايه فايدة الكوكب بصفة عامة يعني تفرق ايه الحبوبة اللي جوة الكوكب عن الحبوبة اللي برا الكوكب؟!، اقولك يا ستي الحبوبة عندنا في كوكب الحبوبات معروفة اكيد لإنها بإختصار هتكون مميزة عن باقي البنات اللي مش حبوبات اللي عايشين على كوكب الارض او كوكب زمردة او اي كوكب تاني من الكواكب المحيطة و الشقيقية في المجموعة الشمسية ، ودا قولناه قبل كدا ازاي تبقي من ضمن كوكب الحبوبات الاشهر على الاطلاق ، في البلوج دي يا حبوبات هنقدم كل النصايح و الحاجات المهمة اوي اللي مش هتلاقيها في اي موقع تاني هنجبلك اوروبا لحد هنا و اشهر البلوجرز اللي معروفين على انستا، ،هنعرف ازاي نهتم بنفسنا بحاجات بسيطة هنبتدي واحدة واحدة  يا حبوبة منك ليها من اول ازاي اهتم بوشي لغاية ما يبقى عندك روتين يومي في اهتمامك ببشرتك وطرق تخسيس و ايه الابليكيشينز اللي ممكن تسهلك الدنيا و تنظملك وقتك و ازاي كمان تستغلي وقتك الفاضي سواء في تطوير نفسك يا حبوبة او انك تستغليه في اهتمامك بنفسك و تنظيم دولابك في الشتا و الصيف و تنسيق الالوان مع بعض ، كمان مش ناسيين مشاكل الشعر و انه بيجي عليه وقت و تحسي ان شعرك كله وقع في الحوض ولو ليكي في الصبغات هنعرفك ايه انسب الوان الشعر اللي هتليق مع بشرتك و ايه هي التسريحات المناسبة ليكي ولشكل وشك، طبعا الميكب هنظبط بعون الله كلنا الآيلينر ظبطة محترمة ونكمان هنظبط الرسمتين بظبط يا حبوبة مش عين وعين ، متقلقيش كله هتعرفي تعمليه و بشكل بسيط اوي.

مع اطيب تمنياتي بالحب و الحبوبات... رئيسة كوكب الحبوبات| كارولين كمال